ग्रामिण विकास केन्द्रीय विभागको सभाहलमा आजदेखि Contemporary Development Issues in Nepal विषयमा पहिलो राष्ट्रिय सम्मेलन प्रारम्भ भएको छ । सम्मेलनको उद्घाटन गर्नुहुँदै मानविकी तथा सामाजिक शास्त्र संकायका डीन प्रा.डा. दुबिनन्दन ढकालले विभागहरुले यस्ता सम्मेलनहरु आयोजना गरेर ज्ञान निर्माणमा निरन्तर योगदान गर्नुपर्ने बताउनु भयो । सम्मेलनको कि नोट स्पिकर प्रा.डा. प्रेमसागर चापागाईंले विश्वव्यापीकरण, पर्यावरण र नेपालको अवस्थाबारे प्रस्तुतीकरण दिनुभएको थियो । सो अवसरमा प्रमुख अतिथि र विभागीय प्रमुखले पूर्व विभागीय प्रमुखहरुलाई सम्मान गर्नुभएको थियो । कार्यक्रममा सम्मानीत हुनुहुने महानुभावहरुमा पूर्व विभागीय प्रमुखहरु प्रा.डा. महेन्द्रप्रसाद सिंह, प्रा.डा. उमाकान्त सिलवाल, प्रा.डा. चन्द्रलाल श्रेष्ठ, प्रा.डा. प्रेम शर्मा र सहप्रा.डा. विष्णुबहादुर केसी तथा विभागका अग्रज सहप्रा. डा.उमेशप्रसाद आचार्य रहनुभएको थियो । कार्यक्रमको अध्यक्षता विभागीय प्रमुख सहप्रा.डा. सुमन खरेलले गर्नुभएको थियो भने कार्यक्रमको सञ्चालन पूर्व विभागीय प्रमुख सहप्रा. डा. विष्णुबहादुर केसीले गर्नुभएको थियो । दुई दिनसम्म सञ्चालन हुने राष्ट्रिय सम्मेलनमा २० वटा कार्यपत्रहरु प्रस्तुतीकरणको कार्यक्रम रहेको छ भने प्यानल छलफल सेशनहरु समेत रहेको उपप्रा. प्रज्ज्वलमान प्रधानले बताउनु भयो । 

कार्यक्रममा सुस्मिता गौतम, भुपेन्द्रबहादुर शाही, सुमन खरेल र रेवनकुमार दाहाल, लिलाप्रसाद लिम्बु र सुभाश झा, मिनबहादुर शाही र प्रज्वलमान प्रधान, नवराज भट्टराई, महेन्द्र सापकोटा, नरकुमार चौहाशन र चिरन्जिवि देवकोटा, हेमन्तराज अधिकारी, रमेश न्यौपाने, बाबुदत्त सापकोटा र राजु राम अधिकारी,  नोदनाथ त्रिताल र लक्ष्मण कार्कीले पहिलो दिनका सेसनहरुमा कार्यपत्र प्रस्तुत गर्नुभएको थियो । यसैगरी दोस्रो दिनको सेसनमा विद्याज्योती घिमिरे, दिपकचन्द्र दत्त, इन्द्रमालि मालाकार, राजनविनायक पासा, गोपाल खड्का, रमेशकुमार लामा, सुवोध निरौला, केन्द्रप्रकाश खत्री, तीर्थराज तिम्सिना र निराजन रिजालको प्रस्तुतीकरण रहेको छ । सेसनहरुको सहजीकरण राजुराम अधिकारी, राजनविनायक पासा, रमेशकुमार लामा, सुस्मिता गौतम र रमेश न्यौपाने लगायतले गर्नभएको थियो । साथै प्यानल छलफलका लागि प्रा.डा. महेन्द्रप्रसाद सिँह, सहप्रा.डा. मृगेन्द्र बहादुर कार्की, डा. नीति अर्याल वक्ताको भुमिकामा रहनु भएको छ भने प्यानल छलफलको सहजीकरण सहप्रा.डा. सुमन खरेलले गर्नुहुनेछ । 
विश्वविद्यालय अनुदान आयोगको सहयोगमा तथा मध्यपश्चिम विश्वविद्यालय र सुदुर पश्चिम विश्वविद्यालयका ग्रामिण विकास विभागहरुको सहकार्यमा त्रिवि ग्रामिण विकास केन्द्रीय विभागले यो सम्मेलनको आयोजना गरेको हो ।